Krot, Orankiart 2017_Oranki, Lappland, Finland
Orankiart er ein skogseigedom i nord-finland som er fyllt med landskapskunst. Ein entusiastisk kjerne av dyktige finske kunstnarar, der ein av dei er eigar av skogen, har i mange år invitert andre kunstnarar til nokre vekers samling i juni. I løpet av desse vekene bur ein i lag, ein har måltid og sosialt samvær i lag og jobbar fram kvar sine kunstverk som blir ståande i skogen til naturen bryt dei ned. Det er lagt til rette for publikum med stiar og kart som viser kvar ein finn dei enkelte kunstverka.
Les meir om Orankiart 2017 her: http://www.orankiart.fi/nayttelyt/orankiart17.html
Krot - kroting i kota, - eit tradisjonelt nordfinsk/samisk trehus.
Ein kota har sekskanta grunnflate med grue midt på golvet, veggfaste benkar rommet rundt. og open ljore i taket. Bygget er som ein krysning av lavvo og røykstove. Kotaen i Orankiart er samlinsstaden på kveldane under arbeidsvekene i juni kvart år. Det er staden for drikking, song og gode samtalar. Dessutan held elden og røyken den plagsomme myggen vekke. Likskapen mellom norsk røykstove og kotaen, gjorde at eg fekk lyst til å prøve ut korleis kroting ville ta seg ut på dei skråstilte veggane.
På same måte som i kroteprosjekta som Anne Lise Brask Eriksen og eg har hatt i regi av Hardanger folkemuseum, involverte eg andre kvinner til å vera med å krota. Alle dei seks kvinner som var på Orankiart 2017 vart i tur og orden med. Stor takk til: Else Karin Tysse Bysheim, Felieke van der Leest, Mari Oikaninen, Leena Kangas, Iina Miettunen og Essi Korva.